Повисока откупна цена за зелката бараат земјоделците
Земјоделците од струмичкиот регион се разочарани од ниските откупни цени на пролетната зелка.
Цента се движи околу 10 денари по килограм, за што производителите велат дека е малку. Тие ги обвинија Министерството за земјоделство и пратениците од нивниот регион дека не се интересираат за нивните проблеми. Земјоделците го блокираа патот од Струмица кон македонско-бугарската граница и ги образложија своите барања.
„Од Владата и Министерството за земјоделство неминовно најбрз интервентен откуп на зелката. Исто така, второ барање бараме до крајот на месец април цената на зелката да не падне под 20 денари. Трето барање целокупното произвдство што беше откупено по 10 денари досега Владата да изнајде начин да го субвенционира, т.е да ја субвенционира разликата на цената од откупната цена до 20 денари“- изјави Ристо Велков, претседател на Сојуз на синдикат на земјоделци, Струмица.
Ако не бидат прифатени барањата, земјоделците се закануваат со интензивирање на блокадите.
Заменик министерот за земјоделство, Ванчо Костадиновски се сретна со трговците откупувачи на зелка во струмичко, со цел да се најде решение како да им се помогне на производителите. Вели дека има најави за зголемување на извозот со цел да се задоволат потребите на европските пазари.
За барањата на земјоделците да добијат 10 денари дополнително од државата, Костадиновски рече дека не сака да дава лажни ветувања.
Слично
Поврзани вести
