Според најавите од Регионалниот центар за управување со кризи на Град Скопје утре без струја од 8.30 до 15 часот ќе останат корисниците од улицата 29 Ноември , додека од 10 до 13 часот и жителите на Драчевска. Струја ќе нема и во дел Стајковци, дел од Арачиново, од населбата Илинден, Белимбегово, Индустриска зона Илинден, но и повеќе објекти и компании како Давос, АПС Комерц, ЗИК сточна храна, Вичишки,  ФармаПрима, кои се лоцирани во овој реон. Во периодот од 9.30 до 15.30 часот струја ќе нема на дел од улиците Виетнамска, Гарсија Лорка, Лука Геов, и од 10.45  до 15.30 часот кај корисниците на улиците 4-ти Јули, БеазКула,  Гостиварска и Црногорска.