Според Регионалниот центар за управување со кризи на Град Скопје, утре ќе останат без електрична енергија неколку скопски села, но и делови од општина Карпош. Во известувањето РЦУК информира дека во периодот од 9 до 15 часот струја ќе немаат дел од потрошувачите од улицата „Исаија Маџовски“ и село Кучково. Од 8.30 до 15 часот струја ќе нема и улицата „Никола Парапунов“ зграда бр. 33, делот во Карпош зад бензинска пумпа на „Макпетрол“ и дел од ул. „1409“, додека половина час подоцна или  9 до 15 часот ќе има прекин и за потрошувачите  на село Копаница. Од 9 до 11 часот без струја ќе бидат и селата Сопиште Варвара,Маркова Сушица,Добри Дол, Ракотин. Според најавата, од 8.30 до 16 часот струја ќе нема и дел од селото Студеничани. Во сите случаи се работи за инвестициски зафати од ЕВН за подобрување на квалитетот во снабдувањето со струја.