Денеска делегација од Министерството за внатрешни работи предводена од министерската Гордана Јанкулоска беше во работна посета на Министерството за внатрешни работи на Црна Гора, при што министерката Јанкулоска црногорскиот министер за внатрешни работи Рашко Коњевиќ.

Средбата беше искористена за потпишување на Договорот меѓу Владата на Република Македонија и Владата на Црна Гора за заемно признавање на возачките дозволи. Договор со којшто значително ќе им се олесни движењето и претстојот на граѓаните на двете држави кои по било која основа престојуваат или транзитираат на државните територии на двете земји, информираат од МВР.

Исто така, денешната средба меѓу министрите за внатрешни работи претставуваше можност да се разговара за унапредување на соработката во рамки на евроинтегративните процеси на двете држави, потоа за борбата против тероризмот во регионални и глобални рамки, борбата против организираниот криминал, а Јанкулоска и Коњевиќ ги потврдија и заедничките заложби за што поактивно учество во низата регионалните иницијативи во кои членуватаа двете земји.

Министрите на својата средба се согласија и за организирање заеднички обуки за припадниците на министерствата за внатрешни работи, како и низа заеднички оперативни активности меѓу полициските органи и нивно заедничко учество во регионални и меѓународни истраги.