Повеќе станови во  Охрид се поплавени по пукање на цевка од главниот цевковод. Дефектот се случил во населбата Охридати, а уништени се станови кои се наоѓаат на приземје. Станува збор за пукната цевка со профил ф-300, при што од силината на излеаната вода на местото на дефектот е направен длабок кратер на улицата „АСНОМ“. Во овој дел на Охрид денеска, поради безбедност беше исклучена струјата, а екипи на Водовод се на се обидуваат да го санираат проблемот. Вчера пак во силното невреме, со дожд и ветер, високите бранови од езерото се излеаја на крајбрежјето поплавувајќи повеќе улици во центарот. Фото: Охридњуз