Црвениот крст на Македонија информира дека парична помош може да се уплати на жиро сметка – Фонд на солидарност 300000001327966 ДБ 4030984271620 – Комерцијална банка. Отворени се и посебни телефонски линии 075/070/077 143 400 на кои граѓаните со секој повик можат да донираат по 100 денари. Собирен пункт, пак, за хуманитарна помош во Скопје е магацинот на Црвениот крст во Момин Поток, на адреса ул.Момин Поток бб, тел. 3096227. На локално ниво помошта може да се донира и во општинските организации на Црвеиот крст надвор од Скопје. Црвениот крст на Македонија ќе испрати и екипи и опрема за спасување во поплавените подрачја во Србија и во Босна и Херцеговина. Веќе им е понудена помош во гумени чамци, спасители, тим за проценка за хуманитарните потреби на населението и станица за прочистување на вода. Во моментот населението во поплавените делови на Србија и БиХ има потреба од храна, средства за хигиена, нова облека и обувки, ќебиња, бебешка храна, вода за пиење. Црвениот крст ги повикува компаниите и хуманите граѓани да се вклучат во апелот за помош на настраданото население. Хуманитарната акција започнува од денеска и ќе трае до 31 мај. За текот и резултатите од акцијата јавноста ќе биде навремено и соодветно информирана. Помош за повредените организираат и сите општини во Скопје, кои истата ја собиораат во општинските простории.