Претседателот Ѓорге Иванов ја закрои првата винова лоза во Демир Капија, на традиционалната свеченост во чест на верскиот празник Св. Трифун. Иванов ја закрои лозата заедно со градоначалникот на Демир Капија Трајче Димитриев и им посака на лозарите да имаат квалитетен род во лозјата, а од квалитетно грозје потоа да се добие квалитетно вино.

„Македонија е позната меѓу другото и како земја на грозјето и виното. Ако во виното е вистината, нека се пие вино, порача претседателот.

Верскиот празник Св. Трифун лозарите го празнуваат бидејќи се означува почетокот на новата родна година. На свеченоста во центарот на Демир Капија беа доделени наградите од организираните натпревари за најдобро произведено вино и ракија во домашни услови, како и натпреварите во кроење лозови прачки и подготовка на традиционални јадења.