Традиционално како и секоја година  по повод одбележувањето на празникот посветен на заштитникот на лозарите и винарите Св. Трифун, тимот на Сковин АД Скопје  на  локација Добри Дол, го изврши свеченото закројување на лозјата.

На чинот на закројувањето на лозовите насади на Сковин присуствуваа нивни долгогодишни соработници и партнери, со кои заедно посакуваат бериќетна и плодна берба и производство на квалитетно вино , со надеж дека истото се почесто ќе се наоѓа на трпезите и надвор од Македонија.

Македонското вино со години наназад е заштитен бренд на нашата земја,препознатли  во по својот врвен квалитет и специфичен вкус.

Св.Трифун дава надеж за добра берба, односно дека  родот ќе биде квалитетен и ќе се произведе квалитетно вино. Самото закројувањето е еден вид на обред, но во сето тоа има и подлабока содржина. Поточно со него се офромува идниот род и според процентот на здрави окца на лозјето, лозарите ќе знаат што да очекуваат.