Во рамки на активностите предвидени со Програмата за здравствена, социјална заштита и заштита на деца, Општина Центар продолжува со практиката за помош и поддршка на  сите новородени деца во 2013 година, чии родители се жители на Општината. За таа цел, и оваа година, Општината ќе додели еднократен паричен надомест на секое новороденче, родено во перидот од 01 јануари 2013 до 31 декември 2013 година. Еднократниот паричен надомест е во висина од 5.000,00 денари. Подносителите на барањата, потребно е да ги достават следните документи: извод од матичната книга на родените (за новороденчето), лична карта на еден од родителите и копија од трансакциска сметка на еден од родителите. Потребните документи, можат да се поднесат секој работен ден од 09 до 15 часот, во барака 6 на Општина Центар.