Кинескиот актер Џеки Чен по обемната филмска кариера во која не го штедеше своето тело конечно стигна до највредното признание Оскарот, иако станува збор за почесна награда надвор од редовната церемонија на Академијата за подвижни слики во Лос Анџелес. 

„Како да сум во сон. Конечно, по 56 години во филмската индустрија со 200 снимени филмови и уште толку искршени коски ова е мое“, изјави Чен откако ја доби Златната статуетка.

Чен е роден во Хонг Конг и стана икона на филмовите со боречки и кунг фу вештини во кои маестрално го вклопи физичкиот хумор. Токму тоа беше издигнатото со врвни пофалби од Том Хенкс кој му врачи наградата на Џеки Џен посочувајќи дека на Оскарите оваа категорија била неоправдано изоставена.