Додека компаниите ги унапредуваат своите стратегии за 2026 година, Асоцијацијата на светски трговски центри (WTCA) ја позиционира својата глобална мрежа како клучен компас за светските бизнис-трендови. Со присуство во речиси 100 земји и територии и повеќе од 300 локации, WTCA не е само бизнис-асоцијација, туку динамичен екосистем што ги поврзува локалните стопанственици со меѓународните пазари и ги претвора градовите во двигатели на растот. Повеќе од пет децении, нејзините репрезентативни објекти во големите урбани центри функционираат како јазли за иновации, склучување деловни зделки и прекугранична соработка.

Составен дел од визионерскиот пристап на WTCA е Глобалниот бизнис форум на WTCA 2026 (WTCA GBF), закажан од 19 до 22 април во Филаделфија. Овој настан, чиј домаќин е Светскиот трговски центар – Голема Филаделфија (WTC Greater Philadelphia), е осмислен како примарна платформа за глобални инвеститори, локални лидери и компании што сакаат да ги откријат и искористат можностите за раст. Форумот не се гледа само како место за размена на идеи, туку и како стратешки момент за компаниите да се усогласат со новите трендови и да добијат појасен увид во насоките каде што се наѕира идниот раст.

Thomas Young, President & CEO of WTC Greater Philadelphia, photo credit by WTC Greater Philadelphia 

Томас Јанг, претседател и извршен директор на WTC Голема Филаделфија, го објаснува стратешкото значење на форумот. За Јанг, амбицијата е јасна: да се истакне Филаделфија како меѓународен центар што ќе привлече носители на одлуки, иноватори и клучни актери кои можат да соработуваат на заеднички цели. Тој го опишува настанот како можност градот „да заземе висока позиција на глобалната сцена“, претставувајќи му на светот, на единствен начин, што сè може да понуди мрежата на WTCA. Јанг нагласува дека успехот на Глобалниот бизнис форум на WTCA 2026 ќе се мери преку опипливите резултати што ќе произлезат од него, воспоставените партнерства и кредибилитетот што ќе придонесе кон зајакнување на статусот на Филаделфија како глобална бизнис-дестинација.

На WTCA GBF 2026, Јанг се надева дека ќе ја позиционира Филаделфија не само како место за средба на меѓународни раководители, туку и како бизнис-катализатор што им помага на компаниите да изградат односи и да воспостават партнерства кои ќе траат долго по завршувањето на форумот. Ова совршено се вклопува во пошироката визија на мрежата WTCA, која со години се залага за мотото „Поврзување на бизнисот, глобално“ и за поттикнување на растот на локалните економии ширум светот. Преку обезбедување платформа што поддржува деловни иновации, прекугранична трговија и инвестициски можности, Асоцијацијата продолжува да игра клучна улога во поттикнувањето на глобалниот деловен ангажман и регионалниот економски развој.

Anaïs Jan, Membership Development Lead for Europe at WTCA, photo credit WTCA 

Осврнувајќи се на досегот на постојната мрежа на WTCA, Анаис Жан, раководителка за развој на членството за Европа во WTCA, забележува дека Европа е подготвена за раст, бидејќи градовите го модернизираат својот пристап кон деловните објекти. „Низ целиот континент гледаме како WTC-локациите се развиваат од традиционални канцелариски простори во динамични, повеќенаменски дестинации“, вели таа. „Оваа еволуција ја одразува и побарувачката за флексибилни работни простори, но и пошироката потреба од деловни екосистеми што можат да поттикнат иновации и соработка на глобално ниво.“ Жан истакнува дека овие промени се усогласени со претстојните трендови во градежништвото и на пазарот на недвижности низ Европа, каде што објектите со мешана намена стануваат нов стандард. Се очекува овој тренд да продолжи и во 2026 година, со тоа што градовите ќе инвестираат во поприлагодливи и мултифункционални простори.

Суштината на WTCA се темели на јасен економски принцип: силниот раст произлегува од цврсти деловни односи. Со систематско поврзување на компании од различни континенти, глобалната мрежа на WTCA им помага на малите и средни претпријатија да го прошират својот опсег, да влезат на нови пазари и да изградат стратешки партнерства што поттикнуваат корпоративно проширување и локален развој. Членството во мрежата носи престиж и глобален кредибилитет, дополнително зајакнати со долгогодишната соработка на WTCA со водечки меѓународни институции, додека светски препознатливиот бренд и услугите на WTCA дејствуваат како практичен деловен катализатор, отворајќи врати за нови контакти, проекти и инвестициски можности.

Ed Allison-Wright, Director  of WTC Gibraltar and Vice Chair-Treasurer of WTCA, photo credit WTCA

Говорејќи за директните придобивки од WTC-екосистемот, Ед Алисон-Рајт, директор на WTC Гибралтар и заменик-претседавач на WTCA задолжен за финансиски прашања, истакнува: „Доколку сакаме да ги привлечеме вистинските таленти, мора да создадеме соодветно опкружување. Брендот WTC го прави токму тоа – и од перспектива на јавниот сектор, и кога станува збор за премии и закупи, како и за намалување на периодите на празни простори во фазата на развој.“

Со комбинирање на локални сознанија, глобална мрежа и јасна визија за иднината на трговијата и инвестициите, WTCA е единствено позиционирана да ги води компаниите и градовите кон поврзана и просперитетна глобална економија.