Сојузот на здруженија на пензионерите на Македонија ја поздрави иницијативата на ски-центарот „Заре Лазаревски“ – Маврово за бесплатни карти за скијање за пензионерите, сметајќи дека е  убава поволност која пензионерите што спортуваат со задоволство ќе ја искористат.

- Сојузот на здруженија на пензионерите на Македонија цени дека ова е убава  можност за сите пензионери кои се активни во зимските спортови. Како и секаде во светот, така и во Република Македонија, има многу пензионери кои активно спортуваат, па дури и за време на зимата, практикувајќи го белиот спорт.  Како највозрасни граѓани, сметаме дека заслужуваме вакви и слични поволности во насока на подобрување на нашиот живот во третото животно доба, соопшти Сојузот во дописот до медиумите.