183 милиони килограми грозје или за 30 отсто повеќе во однос на лани ќе преработат македонските винарници годинава , изјави заменик министерот за земјоделство Зоран Коњановски  во тек на денешната посета на општина Босилово, каде имаше средби со земјоделци од  село Сарај и ја посети винарницата „Далвина“ во Хамзали.

Привршува откупот на винското грозје , а оваа година е една од подобрите во лозарството. Откупната сезона на грозјето, помина мирно и со заедничко разбирање помеѓу лозарите и преработувачите, оцени Коњановски.

Заменик-министерот за земјоделство ја потенцираше  подготвеноста на винарниците, што годинава од македонските лозари откупиле 160 милиони килограми, а од своите површини набрале 23 милиони килограми винско грозје.

- Интересен е и податокот што годинава е значително намален извозот на винско грозје во соседните земји и е сведен на само 9 милиони килограми, рече Коњановски.