Руската тенисерка Марија Шарапова продолжува да биде најскапо платена спортистка во светот, тврди престижното списание "Форбс". Шарапова е на врвот во текот на цели десет години. Според изданието таа заработила 24,4 милиони долари во последната година. Интересно е дека само 2,4 милиони долари од оваа сума се заработени од наградни фондови по турнирите, а импресивни 22 милиони долари се од спонзорските договори. Сепак е за одбележување дека во втората половина на 2013 година Маша беше повредена и не учествуваше на турнирите. На втората позиција е најуспешна кинеска тенисерка на сите времиња Ли На, која заработила 23,6 милиони долари, 18 милиони од кои се од спонзорските договори. Серена Вилијамс е трета со 22 милиони долари, а точно половина од износот доаѓа од наградни фондови. Катарина Вит Ким ЈНА и натпреварувачката од НАСКАР Даница Патрик исто наоѓаат место во првата петорка, а во Топ 10 има уште четири тенисерки. Еве ги Топ 10 најплатените спортистки во светот: 1. Марија Шарапова (Тенис) - 24,4 милиони долари 2. Ли На (Тенис) - 23,6 милиони долари 3. Серена Вилијамс (Тенис) - 22 милиони долари 4. Ким ЈНА (Уметничко лизгање) - 16,3 милиони долари (16 милиони долари од спонзори) 5. Даница Патрик (Моторни спортови) - 15 милиони долари (8 милиони долари од спонзори) 6. Викторија Азаренка (Тенис) - 11,1 милиони долари (7,5 милиони долари од спонзори) 7. Каролина Вознјацки (Тенис) - 10,8 милиони долари (9,5 милиони долари од спонзори) 8. Агниешка Радванска (Тенис) - 6,8 милиони долари (3 милиони долари од спонзори) 9. Ана Ивановиќ (Тенис) - 6,4 милиони долари (5 милиони долари од спонзори) 10. Паула Кример (Голф) - 5,5 милиони долари (4,5 милиони долари од спонзори) К.К.