Google заедно со 6-инчениот смартфон го претстави и 8.9-инчениот таблет за чија изработка е задолжен HTC и кој ќе го носи името Nexus 9.

 Цената на таблетите се движи од 399 долари колку што е потребно да се издвои за основен WiFi модел со 16GB интерна меморија па се до 599 долари за  32GB на LTE верзијата.

Nexus 9 ќе биде прв уред во претстоечката Nexus линија која доаѓа со 64-битната поддршка благодарение на  dual core 2.3GHz NVIDIA K1 чип внатре.

Тука се и 2GB RAM, задна камера од 8 мегапиксели со автофокус, како и 6.700mAh батерија.

HTC дури успеал да ги вметне и своите препознатливи  BoomSound стерео звучници, но нема да имаме прилика да видиме опција за бежично полнење.

Кога Nexus 6 смартфонот е во прашање, корисниците можат да очекуваат 2.7GHz Qualcomm Snapdragon 805 чипсет,  3.220mAh батерија и камера со оптичка стабилизација на сликите и 13MP сензор.

Nexus 6 ќе доаѓа во верзии со 32 и 64 GB интерна меморија, а се очекува цената на моделот со 32GB интерна меморија ќе чини 649 долари без договорни обврски.

Тоа значи дека ова ќе биде најскап nexus смартфон кој Google досега го претставил.