Над 600 илјади евра тежи последната измама со продавање на станови која денеска беше откриена во земјава. Против дваесет и деветгодишната поранешна фризерка(Б.Д) од Скопје полицијата поднесе кривична пријава за бидејќи заедно со својот татко како помошник измамиле триесетина граѓани.

Од декември 2011 па се досега, на пријатели и нејзини познаници им нудела станови по цена од 400 евра од квадрат, како проект за лица со посебни потреби и инвалидитет. За да биде поуверлива ги печатела документите за вакви станови кои се јавно достапни на веб страницата на Владата. Измамените граѓани уплаќале меѓу 15 и  30.000 евра на банкарската сметка на нејзиниот татко, а скопјанката ги лажела дека останите пари ќе ги обезбеди од странски донации, односно од белгиската, холандската и македонската влада.

Оштетените лица парите ги уплатувале на сметката на нејзиниот татко, појаснуваат од МВР , а таа им кажувала дека ќе треба да потпишат договор за купопродажба на станот и истиот да го заверат кај нотар, со кој договор подоцна би отишле во Агенцијата за катастар на недвижности – Скопје за да добијат прелиминарен имотен лист. Откако во повеќе наврати оштетените контактирале со пријавената и постојано измислувала најразлични приказни за да го одложи потпишувањето на договорот,случајот го пријавиле во полиција.

Поранешната фризерка живеела живот на висока нога, а со парите кои ги собрала купила луксузен стан и возела скапи автомобили.

Полицијата продолжува да работи на докажување и документирање на уште измами сторени од страна на пријавените и стои на располагање и на други граѓани кои поверувале во нивната приказна уплаќајќи одредена сума пари.

http://www.youtube.com/watch?feature=player_embedded&v=-TLsqhSrPXo

Фризерката и нејзиниот татко, добија 30 дена притвор.