Американската автомобилска компанија „General Motors“ (GM) објави измена на својот бизнис модел во Русија.

Како што објавија денеска „AvtoMail.Ru“, поради кризата од Русија ќе се повлечат „Opel“ и „Chevrolet“, брендови кои им припаѓаат на „GM“.

Високиот менаџмент на компанијата донел одлука да ја прекине продажбата на автомобилите со марка „Opel“ во Руската Федерација кон крајот на оваа година.

За другата популарна марка на „GM - Chevrolet“ се претпоставува дека ќе остане на локалниот пазар со некои свои премиум модели, како спортскиот „Corvette, off Роуд Tahoe, Cadillac“, чие побарување не е намалено, и покрај кризата.

Продажбата на „Chevrolet“ минатата година се намалила за 71%, а на „Opel“ - со 82%.

Патем соработката на „General Motors“ и „АвтоВАЗ“, кое се изразува во производство на автомобилите „Chevrolet Niva“ ќе продолжи. Но развојот за новиот модел е замрзнат.