Можни се мали прекини на телевизиската програма поради тоа што телекомуникацискиот оператор Оне во идниот период ќе треба да ги усогласи фреквенциите на дигиталната платформа во рамки на Женевските фреквенции. „Промената ќе оди постепено од регион во регион и за тоа граѓаните ќе бидат благоворемено информирани.  Целиот процес ќе трае два месеца и тие кои ќе бидат засегнати ќе имаат само кратки прекини на програмата“ вели генералниот директор на операторот ОНЕ Цирил Кафол. Од компанијата велат дека прекините ќе бидат многу мали, а посочуваат дека досега со дигитален сигнал е покриена околу 93% од територијата.