Телекомуникацискиот оператор ОНЕ го прошири своето Тотал портфолио на пакети со две услуги, фиксна телефонија и интернет. Како што соопшти компанијата кон постоечките Тотал С и Тотал М, ОНЕ ги воведува и Тотал Л, ХЛ и ХХЛ кои на корисниците на фиксната телефонија и интернет ќе им овозможат дополнителни придобивки.

Новите пакети со фиксна и интернет вклучуваат од 500 минути во Тотал Л до 1.200 во ТоталХХЛ за разговори кон мобилна и фиксна телефонија на ОНЕ, од 100 до 400 минути за разговори кон другите национални мрежи, од 500 ГБ до 1.200 ГБ интернет, како и вклучени бесплатни разговори за меѓународни повици и повици помеѓу фиксни и мобилни линии на корисникот.

Понудата е достапна за нови активации, обнова на постоечки договори и промени на постоечки тарифни модели.

Дополнително, компанијата од денеска промотивно на сите пост-пејд резиденти и бизнис корисници на интернет услуга, кои ќе направат активација или обнова на интернетот, им доделува бесплатно по 1.000 ГБ интернет, секој месец во наредните 24 месеци.