Понатамошното зголемување на пазарниот удел на ОКТА и на домашниот и на косовскиот пазар, позитивно влијаеше на финансиските резултати во третиот квартал од 2014 година.

ОКТА бележи трет последовател квартал со подобрување на оперативниот профит, што главно се должи на понатамошното зголемување на обемот на продажба како и пониските оперативни трошоци, кои се резултат на проектите за трансформација. Позитивните перформанси во третиот квартал од 2014 беа времено отежнати од падот на меѓународните цени на горивата и зајакнувањето на американскиот долар, кои заедно негативно влијаеја на прилагодената ЕБИТДА на ОКТА во овој квартал за 27 милиони денари. Севкупната ЕБИТДА за третиот квартал достигна 155 милиони денари, во споредба со 167 милиони во третиот квартал на 2013 година. И покрај негативното влијание од меѓународните цени, ЕБИТДА-та за оваа година до септември е 59% поголема отколку во истиот период минатата година.

Во текот на овој квартал, ОКТА и понатаму остана фокусирана на нејзините општествено одговорни активности, вклучувајќи ја донаторската кампања за Детската клиника, учеството на нејзините вработени во кампањата на Црвениот крст „Светскиот ден за борба против гладот”, како и придонесот на компанијата во едукативно-ориентирани проекти, како што се донацијата во лабораторијата при Технолошко – Металуршкиот факултет и проширената програма за практиканти. ОКТА е една од најголемите компании во Југоисточна Европа и стана пример за брзорастечка фокусирана кон потрошувачите, логистичка и трговска компанија која нуди висококвалитетни производи на пазарот за горива.