Речиси 40 проценти од корисниците на субвенции досега доставиле апликации за добивање на финансиска поддршка од државата.

Голем одзив и поднесени апликации има од земјоделците во Неготино, а најслаб одзив е регистриран во Кратово, Македонски брод и  Струга. Фармерите имаат рок до крајот на месецов електронски или лично да достават барања за добивање на субвенции до Платежната агенција.

Се поднесуваат барањата за растителното производство, за житни и за градинарски култури, за одржување на лозови и овошни насади и за производство на сертифициран семенски и саден материјал.

Од сточарското производство се доставуваат и барања за одгледување на говеда, овци, кози, свињи, пчели и на живина.