Од идната година, државните службеници, задолжително ќе посетуваат нови електронски курсеви, кои имаат за цел континуирана едукација и подобрување на знаењата и вештините. Cекој вработен, годишно, ќе треба да помине минимум 30 часа електронска обука, информира денеска министерот за информатичко општество и администрација, Иво Ивановски. - Со тоа очекуваме ефикасноста, љубезноста, транспарентноста и услугата на јавната администрација да бидат на многу повисоко ниво - истакна Ивановски. Проектот е изготвен со британска поддршка, а ќе стартува на крајот од 2013. Први ќе го користат вработените во Министерството за информатичко општество и администрација. Курсевите се поделени на лекции за кои државниот службеник ќе има на располагање и македонска и странска литература. По секое завршување ќе се полагаат испити и ќе се доделуваат сертификати.