Конзервирањето е термин за различни процеси чија цел е да се сочуваат изворните вредности на одредена намирница подолго време. Самиот збор потекнува од латинскиот збор conservatio што во превод значи да се чува, да се одржи. Историски гледано, конзервирањето започнува за време на владеењето на Наполеон. Во тоа време француската влада понудила парична награда за оној кој ќе најде начин да се сочува храната со сите нејзини карактеристики во подолг временски период.

Во денешното модерно време во кое живееме, конзервираната храна ги задоволува бројните потреби на современиот начин на живеење. Често пати се среќаваме со информации кои знаат да не збунат во врска со тоа дали конзервираната храна е добра или штетна. Ние решивме да ги решиме овие дилеми. На оваа тема разговараме со нутриционистот Сашко Дрвошански.