Според новиот правилник на Агенцијата за храна, месарниците веќе нема да смеат да продаваат мелено месо, туку тие ќе мора да го мелат месото во присуство на купувачот. Ова значи дека месарниците нема да смеат да продаваат однапред смелено месо во кое реално потрошувачите не знаат што точно е ставено. За продажба и приготвување на производи од мелено месо објектите ќе мора да добијат посебно одобрување. Со новиот правилник исто така на секое месо мора да има јасно означена декларација на која ке стојат земјата на потекло, рок на траење, нето-тежината, место на обработка и услови на складирање, како и кодот на земјата и бројот на кланицата од каде доаѓа месото.