Фондацијата Отворено општество – Македонија издаде нов документ за јавни политики, со наслов „Правните предизвици пред Специјалното јавно обвинителство“ во кој проф. Д-р Гордан Калајџиев го анализа статусот на Специјалното јавно обвинителство (СЈО) во правосудниот систем, кое е исправено пред неколку сериозни правни и политички искушенија.

Досега не е водена отворена расправа и не се анализирани многу значајни проблеми врзани со работењето на СЈО, познати речиси од самиот почеток на работата на специјалното обвинителство. Затоа, целата на оваа анализата е отворено да се прикажат позначајните правни проблеми и искушенија пред кои е стои ова обвинителство и да се понудат можни решенија за нивно надминување. Анализата пред сé се занимава со трансформацијата на СЈО но и со можностите, проблемите и предизвиците со кои ќе се соочи обвинителството. Исто така во документот се анализа проблемот со уставноста на СЈО, рокот за гонење (подигање обвиненија), неговата уставност и новите истраги, незаконитите докази, помилувањата на Претседателот Иванов и можноста за идни помилувања или амнестија и нивните правни (и политички) последици како и последиците од евентуалните постапки пред судот во Стразбур.

Анализата ви ја доставуваме во прилог на оваа порака, а истата можете да ја најдете и на веб страницата на ФООМ на следниот линк: http://www.fosm.mk/mk/Home/Publication?newsID=12712&catID=9&pageIndex=1

Анализа е подготвена при изработката на студијата за меѓународен судски мониторинг во Македонија, во рамките на проектот „Поддршка на Македонија за интеграција во ЕУ и во НАТО“, кој се реализира од страна на организациите Коалиција Сите за правично судење, Хелсиншки комитет за човековите права на Република Македонија, Македонско здружение на младите правници, Институт за човековите права и Центар за правни истражувања и анализи, со поддршка од Фондацијата Отворено општество - Македонија.