Собранието на акционери на „Агроплод“ го назначи Науме Стефановски за нов директор на компанијата, откако претходно беа отповикани досегашните директори. “Искрено ми е жал што пропаднаа изминатите 3-4 години, затоа што имав подготвено проекти во вредност од 35 милиони евра, кој требаше да се реализираат во Агроплод. Знаат, тие што работат со мене, дека тие проекти отидоа за БиХ. Ветувам дека оваа година и покрај кризната година ќе имаме 30% работа повеќе, а со тоа и инвестиции“, рече претседателот на концернот Свислион, Родољуб Драшковиќ, кој беше присутен на собранието на акционери.