Министерството за култура и плати 460 илјади евра на фирмата Монтимпекс Инженеринг само за да го изработи основниот проект за изградба на нова зграда на МНТ-Театар Центар. Договорот вклучува архитектонски, инженерски и услуги за просторно планирање, како и услуги за технички испитувања и анализа. Идејата за изградба на нова зграда на МНТ датира уште од 2008 година кога беше најавено дека ќе се гради и нова зграда за Драмскиот театар во Карпош. Според тогашните најави, двата објекти требаше да обезбедат поголеми површини наменети за комерцијални и деловни содржини. Според идејното решение изработено од архитектите Минас Бакалчев и Митко Хаџи Пуља, МНТ ќе биде сместен во комплексен мултифункционален објект со повеќе содржини, меѓу кои и канцеларии за активности од областа на културата и образованието, студентско домување и деловен простор. Театарот, во рамките на новиот објект, ќе има две сцени- главна, со капацитет од 500 гледачи и мала сцена, која ќе може да прими 120 гледачи. Максималната висина на објектот е 35 метри.