Целодневната употреба на паметни телефони може да предизвика симптоми речиси идентични со оние кои следат по долга пијана ноќ, велат експертите.

Иако телефоните се последно технолошко достигнување на научниците, што го прави животот полесен, тие кријат некои здравствени негативи кои не треба да се занемаруваат. Една анкета на експерти од Мичиген покажа дека деловните луѓе кои не се одвојуваат од своите паметни телефони 21 часа на ден страдаат од мамурлак сличен на пијано секое утро.

Таквите луѓе се чувствуваат исцрпени, помалку продуктивни, и често нивната состојба е придружена со главоболки и недостаток на подготвеност за работа.

"Паметните телефони се речиси совршено дизајнирани за да го нарушат спиењето", вели професорот Расел Џонсон, шеф на студијата. "Менталниот ангажман кон крајот навечер го отежнува одбегнувањето од работа за да можеме да се опуштиме и да заспиеме.

Истражувачите побараа 82 менаџери на високо ниво да учествуваат во студијата секој ден за две недели. Исто така, опфатиле 161 вработен со различни професии - од медицински сестри и сметководители до стоматолози и вработени во производствениот сектор.

Споредувањето на паметните телефони со други уреди покажало дека паметните телефони имаат значително негативен ефект отколку гледањето телевизија или користењето на компјутер или таблет.

"Паметни" телефони испуштаат "сино светло" што ги намалува нивоата на мелатонин - супстанцата што му помага на телото да се прилагоди на спиењето.

"Излезе дека употребата на паметни телефони има и психолошки и физиолошки ефекти врз способноста на луѓето да заспијат и на враќањето на функциите на спиење", нагласува Џонсон