Четири видови македонско вино се продаваат во продавницата Мекартур на семејството Басин во Вашингтон, која е една од најстарите од ваков тип во  градот. Тука се купува вино од 1957-ма, а меѓу муштериите, низ годините -претседатели, боксерски шампиони и други познати лица, пренесува Гласот на Америја на Македонски јазик.

Џон Фитер, кој е снабдувач и консултант за вина повеќе 20 години, македонското вино го открил лани за време на дегустација во македонската амбасада во Вашингтон.

 „Грозјето е различно.  Во вината се користи домашно македонско грозје од тоа поднебје и затоа вкусот е покомплексен од другите сорти. Вранецот е најбаран, поради неговата комплексност и длабочина на вкусот. Засега продавницата нуди само четири вина од Македонија, затоа што толкав број и се достапни“, вели Фитер за Гласот на Америка