Според најновите информации од ЈП Македонијапат, сообраќајот на сите магистрални и регионални патни правци низ државата се одвива во зимски услови, а снег има низ цела Македонија. Голем дел граѓани кои утрово тргнаа на пат, имаа проблеми да стигнат до крајната дестинација бидејќи патиштата утрово не без исчистени, посебно кога станува збор за магистралните и регионални патишта. Забрани за тешки товарни возила има на патните правеци Ресен-Битола(преку Ѓавато), Крак -Маврово-Дебар и обратно и планискиот премин Стража. По клисурите и засеците можна е зачестена појава на одрони, посебно на патните правци Маврово-Дебар-Струга, Д.Капија-Удово и Катланово-Велес.