Откако пред неполн месец избувна пожарот во Македонска пошта, избрана е компанијата која ќе го осигура имотот на Пошта  ретргоградно, од први јануари оваа година. Според А.Д Македонска пошта, согласно законските прописи, како најповолен понудувач е избрана „Кроација Осигурување“. Полисата на осигурување, како што стои во соопштението на Македонска пошта, ќе го опфати временскиот период кој е предвиден во техничката спецификација на отворената постапка како и тендерската документација  односно од први јануари 2013 година. Со ова, Македонска пошта нема да има никакви финансиски проблеми во однос на настанатите штети од неодамнешниот пожар, а штетата ќе биде покриена во рамки на процедурата за јавна набавка за осигурување на самата компанија, соопштуваат од Пошти.