Комисијата за хартии од вредност на  Република Македонија на вчерашната, 80-та  седница, му одобри продажба на сопствени акции по пат на  приватна  понуда на Кроациа Осигурување АД - Друштво за осигурување на живот Скопје. Станува збор за 750 обични акции, во вкупен износ од 78.750 евра. Приватната понуда е наменета за познат  купувач  и тоа за осигурителното друштво Кроациа Осигурување д.д. Загреб, кој е постојан акционер и е  институционален инвеститор. Согласно одлуката на Собранието на акционери на Кроациа Осигурување АД - Друштво за осигурување на живот Скопје, сопствените акции се продаваат заради прибирање на  парични средства.