Во Капитол мол, почнуваат со работа креативни работилници, кои ќе се одржуваат редовно со определена динамика, на која дечиња од најразлична возраст ќе се учат на нови вештини, ќе се дружат и ќе поминуваат време во креативен амбиент. Денеска и утре во Капитол мол во соработка со здружението МАТА ќе се одржат креативни работилници, на кои ќе се изработат уникатни уметнички предмети. Посетителите ќе бидат водени од тројца стручни модератори, и ќе изработуваат велигденски честитки и лампиони во форма на јајца, зајчиња од рециклиран материјал, украсни филцани сапуни и сл. Тие со специјални бои ќе сликаат велигденски мотиви на керамички садови и дрвени украсни фигури. Целта на овие активности во Капитол мол е да се потикнуваат и поддржуваат креативните вредности, а граѓаните покрај шопинг, да може да поминуваат и квалитетно слободното време во молот. Изработените предмети ќе се откупуваат.