За здрав начин на живот специјалистите препорачуваат да се работи не повеќе од 39 часа неделно.

Ако тоа време се зголеми, може да доведе до нарушувања во психичката и физичката состојба на работникот. 

Со повеќе работни часови човек не може да одвои доволно време за себе. 

До заклучоците експертите дошле по набљудувања на траењето на работниот ден и здравствените индикатори на повеќе од 8.000 Австралијци.

Експертите препорачуваат да се скрати времето за приближно две третини од граѓаните на земјата на возраст меѓу 24 и 65 година, кои работат во просек над 40 часа неделно.

Авторите на истражувањето се особено загрижени за жените, затоа што поголемиот дел од нив имаат и домашни обврски.