Поголемиот дел од богатството Бил и Мелинда Гејтс кое изнесува 76 милијарди долари имаат намера, да го дадат во хуманитарни цели, а не како наследство на своите деца. Гејтс и неговата сопруга Мелинда за време на говор на TED конференцијата во Ванкувер рекоа дека, наместо пари, на своите две ќерки и синот им овозможиле добро образование, за да научат да се потпрат на своите способности, а не на богатството на своите родители. -Имате доволно пари, и покрај вашите огромни донации во хуманитарни цели, своите деца да ги направите милијардери“, рече организаторот на конференцијата Крис Андерсон, на што Бил Гејтс му одговори: -Тие нема да имаат ништо што наликува на тоа. Мораат да имаат чувство дека нивната сопствена работа е важна и дека има смисла. Морате да се погрижите да имаат чувство за сопствена способност и да знаат што сакаат да работат“. -Сакавме да постигнеме рамнотежа, така што ќе имаат слобода да направат што и да сакаат, но да немаат толку пари за да можат да не работат ништо“, заклучи Гејтс. Одлуката за начинот на воспитување и образование на своите деца, брачниот пар  ја донеле пред да се венчаат, инспирирани од една статија на американскиот инвеститор и филантроп Ворен Бафет.