Реткото оригинално издание на книгата „Богатството на народите" на Адам Смит, една од основите на модерната економија, ќе биде продадена на аукција на 4 септември во Единбург. Се проценува дека цената може да достигне меѓу 30 000 и 50 000 фунти. Малку книги биле толку влијателни, а во исто време нивните автори да се толку непознати. Адам Смит (1723-1790) се смета за татко на економијата. Неговиот главен труд „Богатството на народите" се смета за актуелен и во денешно време. „Богатството на народите"  влијаеше на политичарите на своето време и ги постави темелите на интелектуалната мисла за слободната трговија и економски раст во 19 век ", се вели во претставувањето на аукциската куќа, соопшти  Les echos каде се додава: „Смит исто така, создаде радикално ново разбирање за тоа како функционира човечкото општество.„Богатството на народите" не е само економски труд, но вистинска психолошка студија на животот, здравјето, политички институции, законот и моралот. "