Осум статуетки доби Бијонсе на музичките награди на MTV. Една од нив беше во главната категорија за видео на годината со (Formation),  која ја оживеа сцената со 15-минутни перформанси од албумот „Lemonade“, соопштија светските информативни агенции.

Бијонсе ги доби и наградите - најдобар видео клип на пејачка со „Hold Up“, како и наградите за поп видео за кореографија, режија, кинематографија, монтажа за „Formation“.

Кај мажите наградата за најдобар видео запис отиде во раце на Калвин Харис за „This Is What You Came For“ со Ријана. Дрејк ја освои наградата во категоријата за хип хоп со „Hotline Bling“.

Наградата за животно дело „Авангард“ на името на Мајкл Џексон ја доби Ријана, која исто така им приреди на гледачите незаборавно шоу.