Падна договор за отварање нов граничен премин со Косово. Денеска на преминот Глобочица, на косовската страна македонската министерка за внатрешни работи  Гордана Јанкулоска и косовскиот министер Бајрам Реџепи се договорија да биде отворен меѓународниот граничен премин Белановце-Станиќ.

По потпишавњето на договорот, Јанкуловска истакна дека отворањето нови гранични премини претставува и нов мост за соработка.

„Овој договор за отворање на нов меѓународен граничен премин најмногу ќе им биде од корист на граѓаните на двете држави од пограничните области, но и од целата територија и ќе придонесе за поголема мобилност и поголема размена во делот на економијата и секојдневниот живот на граѓаните“,додаде Јанкулоска.

Задега нема информации кога точно новиот премин целосно ќе профункционира, а според Јанкулоска сега владите на двете држави ќе треба да ја направат инфраструктурата и да создадат услови за работа.

И за косовскиот министер Реџепи, новиот премин е добар чекор напред.

„Оваа идеја е од пооодамна од 2008, 2009 година и на крај ја финализиравме со потпишување на договорот. Финасирањето ќе биде од ЕК и големо значење е што тој ќе биде меѓународен премин од А категорија како основа за слободно движење на луѓето и стоките. Ова е во согласност на начелата на ЕУ за слободно движење, а тоа е добро за граѓаните од таа пограничната зона на кои им требаа повеќе километри да дојдат до постојните гранични премини Јажинце и Елезан. На овој начин се спречува и нелегалното преминување во тој планински предел“, изјави Реџепи.