Владата ќе помогне за наоѓање пласман за арпаџикот, кој се произведува во селото Бразда. За таа цел  формирање задруга ќе добијат земјоделците од скопското село Бразда и околните села во општина Чучер - Сандево. За добивање на потребната декларација и регистрација на семенскиот материјал, ќе следи формирање земјоделска задруга, која во првите години ќе биде финансиски поткрепена и поддржана од Владата. „За да може да се регистрира семето, за да можете нормално да продавате на пазар и да нема проблем ниту Инспекторатот кога ќе дојде да види дали се спроведува Законот за семе и саден материјал, за да нема казнување, ќе формираме земјоделска задруга„- кажа заменик-министерот за земјоделство, шумарство и водостопанство Ванчо Костадиновски. Покрај продажба на арпаџикот, земјоделците ќе може да земат и субвенции.