Во најсреќната земја на светот луѓето многу работат, но во рамки на работното време. 

Данска е најсреќна земја на светот, со 5.4 милиони жители и со БДП по глава на жител од 44.000 евра. 

Статистиката покажува дека со својата заработка живеат за 25% подобро од просечен жител на ЕУ. 

За социјална заштита се одвојуваат 35% од БДП. 

Вработени се 76% од луѓето на возраст од 20 до 65 години, а во време на кризата невработеноста се искачи на загрижувачки 7.5%. 

За разлика од Балканот, оваа земја има поголемо богатство, но има разлика и во менталитетот. 

Кристина Воспергер Даниловски кога се доселила од Загреб знаела дека доаѓа во многу различна средина. 

Таа вели дека во Данска децата од мали нозе ги учат на самостојност, а со тоа и не им се обрнува преголемо внимание на децата дома или во градинка. 

За Данците вели дека се богат и вреден народ, но со мерка. 

Се работи од 8 до 16 часот, а годишниот одмор трае 6 недели. 

Лесно се наоѓа работа, а 700.000 Данци годишно менуваат работно место. 

За Данците додава дека се штедлив народ и дека она што им е потребно од храна го купуваат во петок. 

Многу внимание обрнуваат на екологијата и здравата храна. 

Во Копенхаген има многу деца, млади, а бројот на стари лица е мал. 

Сите овие податоци Кристина Воспергер Даниловски ги сместила во својата книга „Данци и странци“.