Сердика e првото име на бугарскиот главен град Софија. Во времето на Хан Крум во почетокот на IX век станува дел од бугарската територија и го добива името Средец. Била нарекувана и Триадица.

Низ вековите Пловдив носел многу имиња - Кендрисос, Евмолпиас, Филипополис, Пулпудева, Тримонциум, Улпијана, Флавија, Јулија, Палдин, Филибе и други. Најпознатото можеби е Филипополис, дадено му од Филип Македонски, таткото на Александар Македонски.

Денешното име на Бургас произлегува од Бургос - кула на латински. Византискиот поет Мануел Фил го споменува и како Пиргос. Во XIX век го нарекуваат Ахело Бургас.

Античкото име на Несебар е Месамбриа, подоцна е наречен Месемвриа. Денешното му е дадено од Словените.