Македонскиот претседател Ѓорге Иванов доби сертификат, со него станува член во Светската академија на науките и уметностите. Ова е награда како признание за неговите исклучителни научни и општествени достигнувања и посветеност на целите за глобална човекова состојба, мир и одржлив развој. За време на доделувањето присуствуваа многу академици,  како и претседателот на, професорот Иво Шлаус. „Академијата придава огромно значење на образованието, особено на високото образование. Светот денес е многу поразличен од пред 50 или 100 години и токму затоа треба да бидеме подготвени за овој свет. За таа цел ни требаат лидери. Професор Иванов направи напори да развие токму вакво лидерство и да ги научи младите луѓе преку конкретни случаи како да се справуваат со проблемите што го преокупираат светот“, нагласи Шлаус. За  Иванов ова е огромна чест. „Ова нека биде пример за сите мои помлади колеги, секогаш да имаат цел во животот и да го достигнат она што во младоста е недостижно. Секогаш кога имаат цел, да се посветат на тоа, затоа што тоа некој го следи и вреднува“, рече Иванов,. Тој на Светската академија на науките и уметностите и порача да продолжи со својата мисија и да ги обединува сите умови за заеднички да му понудат на светот. Светската академија на науките и уметностите е меѓународна невладина научна организација. Таа е глобална мрежа на членови со истакнати постигнувања од областа на природните,  општествените, хуманистичкита  науки и уметноста.