Ивана Пелех веќе шест месеци живее во Осло, Норвешка каде по завршување на факултетот решила да си ја побара среќата. 

Таа се иселила од Хрватска каде дипломирала историја на уметност и италијански јазик. 

Со своето момче кое решило да замине од Загреб, решиле да почнат нов живот во Норвешка. Прво заминал тој, а потоа и таа му се придружила. 

„Италијанскиот јазик се покажа како предност затоа што по доаѓањето за помалку од месец дена најдов работа во италијански ресторан“- вели Пелех. 

Вели дека работа има секогаш, но важно е да знаете јазик за да работите по струка. 

„Норвежаните како и сите други на светот, прво ги вработуваат своите луѓе, а потоа луѓето кои владеат јазик, а потоа дури нас и затоа морам да го научам јазикот“ - раскажува девојката. 

Вели дека водата е бесплатна затоа што доаѓа од езеро кое се наоѓа во близина, се плаќа со картички, а минуси нема. 

За јавниот превоз раскажува дека е одлично организиран и дека воопшто нема потреба да се користат приватни автомобили. 

Игрите на среќа ги контролира државата, а од данокот се финансира спортот и културата.