ИутеКредит Македонија со три донации го означи крајот на претходната 2020 година. Донациите се за три спортски клуба, а со финансиската поддршка, ќе им се овозможи на клубовите подобри услови за работа и напредок во спортот кој го практикуваат.

„Дел од постојаните заложби на ИутеКредит Македонија се и инвестициите во спортот кој сметаме дека е особено важен сегмент од функционирањето на секое општество. Токму затоа, крајот на 2020-та година го означивме со донации за три спортски клубови од земјава, женскиот фудбалски клуб СЦ Истатов 2015 од Нов Дојран, женски кошаркарски клуб Струга 2009 и женскиот ракометен клуб Македонија Ѓорче Петров. Оваа финансиска поддршка ќе им овозможи на клубовите подобри услови за работа и напредок во спортот кој го практикуваат.

И во изминатите години ИутеКредит Македонија беше поддржувач на фудбалски кампови за млади во организација на Реал Мадрид фондацијата каде учесницните имаа можност да ја подобрата нивната техника, тактичкото однесување на теренот и когнитивните способности, спроведено од професионални тренери од Реал Мадрид кои ќе понудат посебен пристап и методи на обука, велат од ИутеКредит Македонија.