Италијанските власти соопштија дека во таа земја се бараат илјадници работници кои би ги пополниле празните места. Како што пишува италијански „Локал“ министерството за труд на Италија оваа недела соопшти како во 2015 година имало 76 000 празни места во секторот на технологијата и индустријата. Се додава како од овој број 41,8 одсто се однесуваат на информатичари, а 30 одсто на инженери. „За повеќето професии во Италија е можно да се пронајде потребен стручен кадар. Сепак, постојат одредени професии каде бројот на празни работни места е многу висок“, рекле од министерството за труд. Нагласуваат како најголем дефицит од стручен кадар има во областа на технологијата и инжинерството, бидејќи како што се наведува, во последните години е се поголем бројот на млади и високообразовани млади Италијани кои заминуваат на работа надвор од земјата.