Додека многу казина во моментов се соочуваат со потешкотии поради економските услови и растот на онлајн обложувањето, бизнисот на едно индијанското племе во Минесота, САД, цвета.

Станува збор за племето „Shakopee Mdewakanton“ (Шакопи Мдеуакантон), сопственик на казината „Mystic Lake Casino Hotel“ и „Little Six Casino“. Двете казина имаат годишни приходи од над 1 милијарда долари. Така на секој од 500 члена на племето му припаѓаат по околу 1,08 милиони приходи годишно. Ако се додаде фактот дека тие живеат во земја-резерват и не должат данок (според американското законодавство резерватите се ослободени од должност), јасно е зошто за многумина животот на наследниците на домородното американско население се смета за одличен.

Дури е изненадување дека многу од членовите на најбогато племе во Америка живеат во раскошни куќи, возат автомобили од висока класа, патуваат на луксузни одмори, имаат скапи хоби и ... не работат.

„Кај нас невработеноста е 99,2%, вели Стенли Р. Крукс, претседател на племето, во интервју за „Њујорк тајмс“ во 2012 година, пишува сајтот Celebritynetworth. До денес едвај тоа се променило. Затоа одењето на работа е само по желба.

Покрај двете профитабилни казина, племето „Shakopee Mdewakanton“ држи и голф терен, во кој се одржува круг од шампионатот, концертна сала и хотел со 600 соби.

Така племето се јавува и како најголемиот работодавец во општина Скот во Минесота.

Многу од членовите на племето избираат да изградат втор дом надвор од резерватот и да ги запишат своите деца во приватно училиште, за да се подобрат нивните образовни искуства и да можат малите да се здобијат со перспектива за животот надвор од резерватот.

Можеби дури и интересно е дека богатството е сосема новооткриено. Само пред една генерација членовите на племето живееле во приколки без водовод, а три четвртини од нив добивале владинахранлива помош.

Денес поради среќната судбина во бизнисот, „Shakopee Mdewakanton“ се познати по тоа дека често донираат пари за помош на други индијански племиња, како и за различни добротворни иницијатива во САД.

Од 1996 година од племето донирале над 243 милиони долари за различни добротворни цели, вклучувајќи 120 милиони долари за помош на сиромашните племиња.