Зошто воопшто да експериментирате со „домашните препарати“? Затоа што се поефтини, спаѓаат во поздрава варијанта и многу се погодни за оние кои имаат проблеми со алергиите.

Значи за домашен прашок за алишта ќе ви бидат потребни следните состојки:

-1 сапун за алишта (можете и сами да го направите)

-300 гр боракс (Бораксот е природен минерал - сол на борната киселина, бел кристален прав растворлив во вода)

-300 гр калцинирана сода (може да ја купите во земјоделски аптеки)

-1 лажица од вашето омилено етерично масло

Сапунот изрендајте го и сипете го во лонец со врела вода (околу 500 мл). Кога се излади додајте го етеричното масло. Измешајте ја добиената смеса со боракс и сода. Вашиот прашок е готов!

За подобар ефект, кога перете бел веш додајте и една лажичка сода бикарбона.