Напуштената црква во Мавровското Езеро е прва на листата најубави напуштени цркви во светот, направена од реномираниот интернет медиум од САД „Huffington Post“.

Во прилогот насловен „Напуштените цркви се неверојатно убави“ има и фотографии од напуштени цркви во САД, Белгија, Камбоџа, Франција и Ирска.

- Вообичаено црквите се место каде верниците го наоѓаат својот душевен мир и служат за тивко размислување. Овие свети места се напуштени, а нивната внатрешност е тивка и празна. Сепак тие имаат зачудувачка убавина која може да се види на фотографиите, стои во коментарот на „Huffington Post“ за фотографиите со напуштени цркви.

На сајтот можат да се видат и фотографии од 50 најнеобични цркви во светот.