Денес се одржа презентација на холандските владини програми за поддршка на Македонски мали и средни компании. Целта на презентацијата беше промоција и поттикнување на интересот за користење напрограмите од страна на македонските мали и средни претпријатија.

Холандските програми нудат бесплатна помош на македонските претпријатија, во вид на трансфер на знаења за унапредување на компаниите од страна на холандски експерти, субвенции за испитувања на пазарот и инвестиционите можности, финансиска поддршка на мали и средни бизниси,како и програмаза обуки на македонски менаџери во Холандија и размена на искуства со нивни холандски колеги.

Меѓу другото беше презентиран и бизнис порталотwww.balkanbusiness.nl кој нуди бесплатни деловнии нформации и бизнис вести од Холандија, Албанија, Македонија и Косово. Порталот вклучува низа функционалности како алатка за спојување на компании кои нудат или се заинтересирани за соработка. Користењето на сите функционалности на порталот е бесплатно.

Присутни на настанот беа бизнис консултанти и претставници од владини и невладини организации кои соработуваат и го поддржуваат приватниот сектор.

Присутните беа поздравени од холандскиот амбасадор Н.Е. г-дин Воутер Пломп кој искажа задоволство за покажаниот интерес за програмите на холандската влада и упати поддршка за интензивирање на холандско-македонската бизнис соработка.