Uber, петгодишната технолошка американска компанија, која ги поврзува возачите на автомобили со корисници, повторно стана најголем високооценет стартап во светот. По последната рунда на финансирање сега компанијата се проценува на 50 милијарди долари, пишува во својата анализа Statista. Меѓу познатите инвеститори во концернот се Microsoft IT и индиската медиумска група Bennett Coleman & Co. Wall Street Journal истакна дека Uber привлекла 5 милијарди долари од вкупното финансирање до денес, без да е јавна компанија - ниво што беше постигнато од социјалната мрежа Facebook, пред да се котираат на NASDAQ. Според медиумот година пред да стане јавна компанија Facebook исто така беше проценета на 50 милијарди долари - во почетокот на 2011 година. Следните фирми во своевидното рангирање се кинескиот производител на паметни телефони Xiaomi (46 милијарди долари) и Airbnb (25,5 милијарди долари). Неодамна Wall Street Journal го направи редоследот на 108 така наречените "Unicorns", компании кои се проценети од фондовите за вложување со капитал на над 1 милијарда долари. Повеќето од нив се базирани во САД (72) или Азија. Само девет се европските компании. Обработка: К.К. Извор: Statista